Abatuuze abasoba abasoba mu 80 mu ggombolola y'e Kituntu mu Mpigi be bakaaba twawa ol'enkuba eno eyabaddemu n'omuzira sigadde beyaguza lujjo oluvanyuma lw’enkuba ebaddemu kibuyaga nomuzira okusuula amayu gaabwe agasoba mu 20 gattako okwonoona ebirime okuli; ebitooke, muwogo n'ebirala.
Famire ya Kasifa Najjuma n'abaanabe ku
kyalo Kyewanise baawonedde watono okufiira mu njega eno, bwe baatidde okufiira mu nyumba nebagezaako okuddukira mu lusuku kyokka akasolya k'ennyumba embuyaga n'ekatikkulako ne kabagwira ne bafuna ebisago.
Abatuuze abaakoseddwa enkuba baategezezza nti mu kiseera kino tebalina we basula n'abaana baabwe gattako ebikozesebwa mu maka ng'obuliri ebyayonooneddwa enkuba ne basaba abazirakisa okubadduukirira.
Abasimattuse okufiira mu nnyumba kuliko Musumba John Kiwummulo omutuuze w'e Kyewanise, Deziranta Nsangi omutuuze w'e Kawansenyi, Kasifa Najjumba, Costancia Nassolo, Esther Nabukeera, Musa Sserunjoji, Yudayah Wanyana nabalala.
BYA PADDY BUKENYA