Omusajja wa bodaboda ali mu myaka 27 awonye emiggo gy’abatuuze, bw’asangiddwa ng’ali ne muk’omusajja.<br>Omuvubuka tamanyikiddwa ku kitundu wabula akwatiddwa lubona ng’ali mu laavu ne maama Jane.<br>Maana Jane yakomyewo awaka ku ssaawa 12 ez’akawungeezi, kwe kulagira abaana okugenda okuzannya ku mulirwano.<br>Oluvanyuma omuvubuka yatuuse ng’ali ne mukwano gwe ku Pikipiki kyokka mukwano gwe yasobodde okugenda ne Pikipiki.<br>Ku ssaawa nga 12:30 ez’akawungeezi, omusajja yakomyewo awaka, kwe kusanga mukyala we n’omuvubuka wa bodaboda.<br>Omuvubuka yabadde agezaako okutema omukyala sipeeya, omusajja weyatuukidde.<br>Taata Jane wadde yakubye enduulu okuyambibwa, omuvubuka yamutomedde mu bugenderevu ku mulyango, okusobola okudduka.<br>Bino byonna byabadde ku kyalo Gombe mu disitulikiti y’e Wakiso, akawungeezi k’olunnaku olw’eggulo ku Lwomukaaga.<br>Oluvanyuma lw’omuvubuka okudduka, taata Jane yatabukidde maama Jane okuleeta omusajja mu nnyumba wabula omukyala yamutabukidde okumuswaza mu bantu kyokka oluvanyuma yapondoose, kwe kusaba bba ekisonyiwo.<br>Okuvaawo nga taata Jane akubidde Nnabakyala w’ekyalo essimu, okuggya okuyingira mu nsonga nga n’abatuuze batabukidde omukyala, okutambuza obwenzi mu bufumbo.
Muk’omusajja….
Ebirala ebifa mu ggwanga – https://www.youtube.com/watch?v=Yko8o6oiuCg
</a>
